„Sólveig Anna hefur einhliða ákveðið að gjörsamlega hunsa vilja næstum 500 félagsmanna sem kröfðust þess að félagsfundur verði haldinn föstudaginn 22. apríl,“ segir Agnieszka Ewa Ziólkowska, varaformaður Eflingar í færslu á facebook síðu sinni.
Hún segir að Sólveig Anna hafi þess í stað ákveðið að boða til stjórnarfundar 24. apríl til þess að ákveða dagsetningu fyrir félagsfundinn.
„Ég fordæmi framferði formanns í þessu máli og krefst þess að hún haldi félagsfundinn 22. apríl, líkt og þessir félagsmenn fóru fram á.“
Sólveig Anna hafði lýst óánægju með frétt á Vísi fyrr í dag sem hún kallaði smellibeitu. Þar fullyrti hún meðal annars að varaformaður Eflingar, Ólöf Helga Adolfsdóttir sé ekki enn búin að jafna sig á að hafa tapað kosningum um félagið þann 15. febrúar síðastliðinn.
