Í dag spáir Veðurstofan austan 13-23 m/s S- og SV-lands, hvassast syðst, en víða 8-13 m/s í öðrum landshlutum. Það verður skýjað og rigning með köflum sunnantil. Hiti verður 1 til 7 stig, en í kringum frostmark á NA-verðu landinu. Það dregur úr vindi seint í dag.

Á morgun er útlit fyrir austan 10-18 m/s við S-ströndina, annars mun hægari vind. Það verður dálítil rigning S-lands, en bjart veður norðan heiða og frost að 7 stigum í innsveitum þar.

Á fimmtudag er útlit fyrir ákveðna austanátt, með rigningu sunnan- og vestanlands og mildu veðri.

Í hugleiðingum veðurfræðings kemur fram að austanáttin nær stormstyrk syðst á landinu. Gul viðvörun er í gildi á Suðurlandi þangað til seinnipartinn.

Veðurhorfur á landinu næstu daga

Á miðvikudag:

Allhvöss austanátt syðst á landinu, annars mun hægari vindur. Skýjað veður og rigning með köflum S-lands. Hiti 0 til 5 stig, en frost 0 til 5 stig í innsveitum á N-landi.

Á fimmtudag:

Austan 5-13, en hvassara með suðurströndinni. Rigning á S-verðu landinu, annars þurrt. Hiti 0 til 7 stig.

Á föstudag og laugardag:

Austlæg átt og úrkomulítið, en rigning með köflum SA- og A-lands. Hiti yfirleitt 0 til 5 stig.

Á sunnudag og mánudag:

Norðaustlæg átt og rigning eða slydda með köflum, en þurrt V-lands.