Kanada­maðurinn Roy Al­brecht sem kom til Ís­lands sumarið 2013 vill nú verða bæjar­stjóri í Vogum á Vatns­leys­strönd. Roy sem sagði í við­tali við Frétta­blaðið 2013 að á Ís­landi væri há­gæða mann­kyn og að hel­för gyðinga hefði ekki átt sér stað.

Sam­kvæmt lista yfir fjöru­tíu um­sækj­endur um bæjar­stjóra­stöðuna í Vogum starfar Roy nú sem blað­beri. Þegar Frétta­blaðið ræddi við Roy á tjald­stæðinu í Laugar­dal í byrjun júní 2013 kvaðst hann vera rit­höfundur og hingað kominn í von um fullt tjáningar­frelsi.

„Árið 2010 sá ég við­tal við Birgittu Jóns­dóttur í sjón­varps­stöðinni TVO í Ontario í Kanada þar sem hún ræddi IMMI – The Icelandic Modern Media Initi­ati­ve – sem veitir eins konar pólitískt hæli fyrir blaða­menn og rit­höfunda sem verða fyrir á­rásum vegna skrifa um „stóru stráka glæpa­mennina“, þessa sem litli maðurinn getur ekki varið sig gegn. Síðan þá hef ég lesið um Ís­land og skoðað mögu­leikann á því að flytja hingað,“ út­skýrði Roy.

Roy kvað á­hrif gyðinga í vest­rænum sam­fé­lögum vera sér hug­leikin. Einnig hel­förina gegn gyðingum í síðari heim­styrj­öldinni – sem hann sagði ekki hafa átt sér stað.

Þegar rætt var við Roy í Laugar­dal kvaðst hann hafa verið þar í viku. Vegna las­leika og hryssings­legs veðurs afi hann að mestu haldið sig í hlýjunni í tjaldinu.

Kvað Roy for­eldra sína Þjóð­verja sem hrakist hafi á flótta frá Súdeta­héruðunum. Hann vildi gjarnan setjast að í Þýska­landi jafn­vel þótt þar í landi væru enn strangari viður­lög en í Kanada við því að tjá sig um mál­efni gyðinga. Það væri hins vegar tor­sótt.

„Ég er alls ekki kyn­þátta­hatari,“ tók hann fram. „En vest­ræn sam­fé­lög hvítra manna eru mjög sér­stök og þeir eiga rétt á að vernda þau. Ekki leyfa Kín­verjar Evrópu­búum að setjast að í sínu landi í stórum stíl,“ benti Roy á. Kvaðst hann afar hrifinn af Ís­lendingum.

„Miðað við hinn al­menna Kanada­mann er hinn al­menni Ís­lendingur al­gjör­lega af efstu hillu. Við fyrstu sýn virðist mér vera há­gæða mann­kyn hér á Ís­landi,“ sagði Roy, sem á þeim tíma­punkti hafði lítið farið úr tjaldi sínu í Laugar­dal.

Roy Al­brecht er sex­tugur og er í dag með lögheimili í Reykja­vík. Ekki hefur tekist að ná tali af honum í dag.