Ríkislögreglustjóri hefur, í samráði við lögreglustjórann á Austurlandi og Veðurstofu Íslands, aflýst óvissustigi á Austurlandi vegna skriðuhættu.

Mikið hefur ringt í nóvember og síðastliðinn miðvikudag var lýst yfir óvissustigi.

„Grunnvatnsstaða var þá víða há og spáð áframhaldandi rigningu. Frá því á föstudaginn hefur vatnsyfirborð lækkað í borholum og veðurspá gerir ráð fyrir því að þurrt verði á Austurlandi í dag og þriðjudag. Á miðvikudag rignir, mest á sunnanverðum Austfjörðum, þar sem úrkoma gæti orðið rúmir 50 mm til fjalla. Frá fimmtudegi og fram yfir helgi er spáð lítilli úrkomu.“ segir í tilkynningu Ríkislögreglustjóra.

Þó er fólki bent á að ennþá muni það þurfa að fylgjast vel með aðstæðum á meðan grunnvatnsstaða er há. Þó er útskýrt hvað veldur því að að óvissurstiginu sé aflétt, en það er lítil skriðuvirkni, minnkandi hreyfing og lækkandi grunnvatnsstaða