Innlent

Af­lífuðu 58 van­nærðar kindur

Mat­væla­stofnun af­lífaði á dögunum 58 kindur sem voru illa á sig komnar sökum van­næringar. Stofnunin hefur í­trekað haft af­skipti af bónda fjárins undan­farin ár.

Kindunum var vart hugað líf vegna vannæringar. Fréttablaðið/Eyþór

Matvælastofnun svipti á dögunum sauðfjárbónda hluta fjár hans. Féð var illa á sig komið vegna vannæringar og vart hugað líf. Vegna þess voru kindurnar, 58 talsins, aflífaðar í aðgerðum stofnunarinnar sem fram fóru á föstudag.

Stofnunin hefur undanfarin ár ítrekað haft afskipti af búskap bóndans sökum margvíslegrar vanhirðu. Í tilkynningu segir náið eftirlit hafi verið haft með býlinu í vetur.

Þar segir að við eftirlit stofnunarinnar í mars hafi kröfur stofnunarinnar um úrbætur ekki verið virtar og ástand versnað. Þriðjungur fjárins sem var holdastigað reyndist vannærður. Ástæða vannæringar er vanfóðrun og léleg heygæði. Ljóst var að margar kindur höfðu orðið fyrir varanlegum skaða og að þeim yrði ekki bjargað.

Sjá einnig: Felldu 29 kindur á lausa­göngu í Loð­mundar­firði

Við mat á niðurstöðum holdastigunar þarf að taka tillit til aldurs, meðgöngu og árstíma. Á þessum árstíma eru ær á síðari hluta meðgöngu, fóstrin taka mikið til sín og því er fóðurþörf mikil og ekki síst eftir burð til að framleiða mjólk. Af þessum ástæðum kemur vannæring hratt fram og erfitt að snúa þeirri þróun við.

„Áfram verður unnið að úrbótum fyrir féð sem eftir lifir á bænum og eru frekari aðgerðir fyrirhugaðar síðar í mánuðinum með það að markmiði að tryggja velferð fjárins eins og kostur er,“ segir í tilkynningunni.

Athugasemdir

Auglýsing
Auglýsing

Tengdar fréttir

Innlent

Felldu 29 kindur á lausa­göngu í Loð­mundar­firði

Innlent

Kindahræ í boði MAST veisluborð fyrir tófur

Innlent

Gjörsamlega ómögulegt að koma hræjunum burt

Auglýsing

Nýjast

Ferðalangar sýni aðgát í dag

Stal bíl og ók inn í Seljakjör

Stúlkurnar þrjár fundnar

Leitað að þremur 15 ára stúlkum frá Selfossi

Björn Bjarna furðar sig á „ein­kenni­legu“ frétta­mati RÚV

Spá allt að 40 metrum á sekúndu

Auglýsing