Stjórn ADHD samtakanna fagnar þeirri breytingu sem gerð hefur verið á inntökuskilyrðum til starfsnáms í lögreglufræði. Frá og með árinu 2021 verða einstaklingar með ADHD og/eða lyfjanotkun samkvæmt læknisráði vegna ADHD ekki útilokaðir til að sækja um í starfsnámið.

ADHD samtökin fagna þessu í tilkynningu þar sem segir „ADHD samtökin hafa átt stóran þátt í þessum breytingum í samvinnu við Náms-og starfsþróunarsetur lögreglunnar. Mikil vinna hefur verið lögð í að komið verði til móts við einstaklinga með ADHD og þá sem sannarlega þurfa á lyfjum að halda til að auðvelda sér daglegt líf og störf“,

Fyrirkomulagi námsins verður þá breytt svo umsækjendur fara strax í upphafi umsóknarferlis í gegn um læknisfræðilegt mat áður en að eiginlegt nám er hafið. Í tilkynningunni segir að með verði komið í veg fyrir „óþarfa tímaeyðslu og tilheyrandi fjárhagsleg útlát“.