Innlent

„Það eru breiður af þessu við Hvaleyrarvatn“

Dúnmel er að finna víða um land, að sögn plöntulífeðlisfræðings. Hann furðar sig á því að plantan hafi verið sótt til Danmerkur.

Jón Guðmundsson plöntulífeðlisfræðingur rannsakaði dúnmel í 15 ár. Fréttablaðið/Samsett mynd

Það er ótrúlegt að sækja þetta til Danmerkur þegar tegundin er til víða hér á landi,“ segir Jón Guðmundsson plöntulífeðlisfræðingur í samtali við Fréttablaðið. Strá sem gróðursett voru fyrir utan braggann í Nauthólsvík, sem fór hraustlega fram úr kostnaðaráætlun, kostuðu Reykjavíkurborg 757 þúsund krónur. DV greindi fyrst frá því.

Stöð 2 greindi svo frá því í kvöld að keyptar hafi verið 800 plöntur á 950 krónur stykkið. Kostnaður við gróðursetningu hafi numið 400 þúsund krónum til viðbótar. Heildarkostnaðurinn við stráin, sem heita Dúnmelur á íslensku, var því 1.157 þúsund krónur.

Sjá einnig: Borgarstjóri segir braggamál kalla á skýringar

Jón segir að hann hafi rannsakað dúnmel á árunum 1990 til 2005 en þess má geta að hann er eiginmaður Kolbrúnar Baldursdóttur, borgarfulltrúa Flokks fólksins. Hann hafi plantað nokkrum fræjum í Rangárvallasýslum. „Þessi planta er búin að vera til á landinu í 60 til 70 ár.“ Hann segist undrandi á því að þessar upplýsingar séu ekki á allra vitorði sem að svona málum koma.

Dúnmelur er náskyldur melgresi, sem vex mjög víða á Íslandi. Hann má að sögn Jóns meðal annars finna við Hafnarfjörð. „Það eru breiður af þessu við Hvaleyrarvatn,“ segir hann og heldur áfram. „Ég var sjálfur beðinn um þessa tegund af fyrirtæki í bænum. Ég fór bara í reit í nágrenninu og færði þeim nokkur eintök,“ útskýrir hann.

Til gamans má geta að þegar leitað er að orðinu dúnmelur á Wikipedia koma fram upplýsingar um útbreiðslu á Íslandi. „Honum hefur verið sáð á Íslandi til að græða upp foksanda.“ Vísað er í þrjár heimildir.

Athugasemdir

Auglýsing
Auglýsing

Tengdar fréttir

Innlent

Bragginn „æpandi dæmi“ um sóun á almannafé

Innlent

Gras­rót Pírata boðar fund vegna bragga­málsins

Reykjavík

Rúmar 100 milljónir fóru í braggann í Nauthólsvík án útboðs

Auglýsing

Nýjast

Þúsundir flótta­manna við landa­mæri Mexíkó

Vekja at­hygli á því sem gerist bak við luktar dyr slátur­húsa

Leggjum á­herslu á hafið, lofts­lags­mál og vist­vænar orku­lausnir

Brenndi rusl úr rúmdýnum í Varmadal

Rússar vara Trump við afleiðingunum

Segir Hildi hafa verið kallaða „nettröll“ og „femínistatussu“

Auglýsing