23 konur hafa nú leitað til lögfræðings vegna meðhöndlarans svokallaða sem Fréttablaðið greindi frá í síðustu viku.

Konurnar telja sig allar hafa orðið fyrir kynferðislegu broti af hálfu mannsins. Maðurinn meðhöndlar fólk með stoðkerfisvanda. Konurnar segja manninn hafa meðhöndlað sig í gegnum leggöng og endaþarm.

Lögmaður mannsins, Steinbergur Finnbogason, segir málið múgsefjun. Lögmaður kvennanna, Sigrún Jóhannsdóttir, tekur ekki undir þau orð. „Ég fæ nýja konu til mín nánast daglega. Konurnar koma úr öllum áttum og nokkuð ljóst að hér er ekki um neina múgsefjun að ræða.“