Er innköllunin vegna fyrirhugaðra rafhlöðuskipta, en eins og komið hefur fram urðu 15 brunar vegna skammhlaups í rafhlöðu á heimsvísu. Alls verða um 76.000 bílar innkallaðir um allan heim. Framleiðandinn mælist til þess að þar til skipt hefur verið um rafhlöðu, verði bílarnir einungis hlaðnir að 90% að hámarki. Hyundai hefur jafnframt ákveðið að gefa eigendum hleðsluinneign hjá Ísorku að upphæð 20 þúsund krónur (400 kWst) til að koma til móts við þau mögulegu óþægindi sem breytingin gæti haft í för með sér. Þótt líkurnar séu litlar á að þetta gerist er vitað um eitt tilvik í Evrópu, segir í fréttatilkynningu frá BL, en ekkert slíkt tilvik hefur komið upp hérlendis. Hyundai er hins vegar mjög umhugað um gæði framleiðslu sinnar og greip framleiðandinn strax til viðeigandi ráðstafana til úrbóta og er möguleikinn ekki lengur til staðar í framleiðslunni.

Hyundai vinnur nú að áætlun um dreifingu á nýjum háspennurafhlöðum en vegna takmarkaðrar framleiðslugetu á þeim liggur fyrir að af hending nýrra mun dragast fram eftir ári. BL gerir ráð fyrir að fá fyrstu háspennurafhlöðurnar í sumar og hefjast innkallanir þá þegar í kjölfarið. Á upplýsingaskjá Hyundai Kona EV er hægt að fara inn í skipanaferli þar sem hleðslustillingu bílsins er breytt á þann veg að hann hlaði rafhlöðuna í 90% að hámarki. BL er við það að klára að hafa samband við alla hlutaðeigandi eigendur og umráðamenn bílanna, sem innköllunin nær til, til að tilkynna um fyrirhugaða innköllun.