„Hey Reykja­víkur­borg, 1984 var að hringja og vill fá sam­skipta­formin sín aftur!“ segir Jóhannes Þór Skúla­son, fram­kvæmda­stjóri Sam­taka ferða­þjónustunnar, í færslu á Face­book-síðu sinni. Hann gagn­rýnir þar bréfa­sendingar borgarinnar og segir að það hljóti vera ein­faldara og um­hverfis­vænna fyrir borgina að eiga í raf­rænum sam­skiptum.

„Miðað við fjölda bréfa sem þarf að skrifa, prenta út, undir­rita, sleikja ofan í um­slag og póst­leggja í þessu eina máli hlýtur að vera starfs­maður í fullu starfi við að senda út bréf um á­kvarðanir byggingar­full­trúa,“ segir Jóhannes Þór í færslunni. Til­efni gagn­rýninnar eru fjögur pappírs­bréf sem honum hafa borist undan­farið frá bygginga­full­trúa Reykja­víkur­borgar um af­greiðslu máls.

Hey Reykjavíkurborg, 1984 var að hringja og vill fá samskiptaformin sín aftur! Nú hafa mér nýlega borist fjögur...

Posted by Jóhannes Þór on Thursday, July 2, 2020

„ Í öllum til­fellum er til­kynnt að málinu sé frestað. Til þess þykir borgar­kerfinu nauð­syn­legt að senda mér sér­stakt bréf á pappír í hvert sinn, undir­ritað og smeygt í um­slag sem svo er póst­sent til mín á skrif­stofuna. Í hverju um­slagi eru tvö A4 blöð. Öll bréfin til­taka að af­rit sé sent á fjóra aðra aðila,“ segir Jóhannes Þór. „Póst­berinn hefur því undan­farnar vikur borið heil tuttugu pappírs­bréf (40 A4 síður af pappír) í Hús at­vinnu­lífsins til að til­kynna að byggingar­full­trúi hafi frestað máli sem hann hefur með höndum. Þetta þykir mér hreint súrrandi galið mál.“

Hann segist þá ekki skilja hvernig þetta „snar­úrelta verk­lag í sam­skiptum kerfis og borgar sé enn til staðar“ þegar hann er kominn með öku­skír­teini sitt í símann og um­boðs­maður Al­þingis „er hættur að nota rit­vél“. Jóhannes Þór bendir þá á að langt sé síðan verk­efninu Raf­rænni Reykja­vík var ætlað að ryðja braut í raf­rænni stjórn­sýslu sveitar­fé­laganna. „Fékk byggingar­full­trúi borgarinnar ekki memóið?“ spyr hann.

„Það hlýtur að vera fljót­legt og ein­falt fyrir borg sem hefur fyrir löngu sett sér stefnur um um­hverfi og raf­ræn sam­skipti að kippa þessu snar­lega í liðinn. barasta nó problem. Væri það ekki bara gott mál í já­kvæða kladdann fyrir árið 2020?“ spyr hann loks.