Kórónaveiran gæti kostað kínverska efnahagskerfið 300 milljarða evra, eða um 2,5 prósent af allri landsframleiðslu, samkvæmt útreikningum rannsóknarsetursins Complexity Science Hub í Vínarborg. Þar kemur fram að veiran gæti kostað austurríska hagkerfið 1,1 milljarð evra. Fjallað er um þetta í austurrískum fjölmiðlum.

CO­VID-19 kóróna­veiran gæti einnig sett stórt strik í reikninginn í ferðaþjónustunni á Íslandi. Fjöldi hópa frá Kína hafa þegar afbókað gistingu á hótelum á Íslandi út febrúar. Að öllu ó­breyttu gæti Ís­land misst rúm­lega 5800 ferða­menn í febrúar vegna ferða­bannsins.

Um 60 prósent af kín­verskum ferða­mönnum sem koma hingað til lands ferðast í hópum. Sam­kvæmt tölum frá Ferða­mála­stofu Ís­lands komu 7.728 manns frá Kína í janúar árið 2019 og 9.829 manns í febrúar.

Þriðjungur ís­lensku þjóðarinnar hefur miklar á­hyggjur af því að CO­VID-19 kóróna­veiran berist til landsins sam­kvæmt þjóðar­púls Gallup. Þjóðin skiptist nokkuð jafnt í fylkingar þegar kemur að ótta við veiruna en þriðjungur segist lítið óttast sjúk­dóminn og sama óttast það hvorki mikið né lítið.